Қолжазба рецензиясы

ҚОЛЖАЗБАНЫ РЕЦЕНЗИЯЛАУ

Рецензент қолжазбаны бағалау барысында мына мәселелерге назар аударуы тиіс:

• тақырыптың өзектілігі;
• зерттеудің ғылыми жаңалығы;
• мақсат пен міндеттердің нақтылығы;
• әдіснаманың негізділігі;
• дереккөздердің сапасы;
• ғылыми әдебиеттердің қамтылуы;
• нәтижелердің дәлелділігі;
• қорытындылардың зерттеу нәтижелеріне сәйкестігі.

Исламтану, қолжазбатану және деректану бағытындағы мақалаларды бағалау кезінде араб, парсы және түркі тілдеріндегі бастапқы деректерді пайдалану деңгейіне, қолжазба шифрларының дұрыстығына, мәтіндердің атрибуциясына, транскрипциясы мен транслитерациясының ғылыми бірізділігіне ерекше назар аударылады.

Рецензент қолжазбаны құпия ғылыми құжат ретінде қарастыруы және оның мазмұнын үшінші тұлғаларға бермеуі тиіс. Автордың жарияланбаған ғылыми нәтижелерін рецензент өзінің зерттеулерінде автордың келісімінсіз пайдалана алмайды.

Рецензенттің пікірі объективті, дәлелді және академиялық этикаға сай болуы қажет. Автордың жеке тұлғасына қатысты пікірлерге жол берілмейді.

Рецензенттің қорытындысы

Рецензент қолжазбаны бағалау нәтижесінде төмендегі шешімдердің бірін ұсынады:

1. жариялауға қабылдау;
2. шағын түзетулермен қабылдау;
3. елеулі түзетулерден кейін қайта қарау;
4. жариялауға қабылдамау.